مجرد حلم عادى
Monday, February 4, 2008
المتاهة
اريد ان اكتب مرة اخرى .. اريد ان ابدامن جديد لكنى لا استطيع ان اذهب تجاه السلم حتى اتسند على جانبه واصعد لانى لا اعرف كيف اصعد ولا فى اتجاه اسير
فانا فى حالة من التخبط واللاوعى ... اتطرف دينياً وقتاً ... ولا اخرج من المسجد الا للذهاب الى عملى واقوم بمسح كل النغمات من على هاتفى واضع بدلاً منها الاناشيد الدينية واقاطع كل من اعرفه من اصدقاء .
ويمر شهر والثانى وانا منقطعة حتى عن من تخلى عنى او تخليت عنه انا بارادتى المقنعة ثم ما البث ان اخرج من المسجد لعمل جديد وحفلات وسط البلد و سفريات الى الاسكندرية والساحل وخروجات مختلطة مرة اخرى ... ولا اعود الى المسجد الا كل اربعاء لحضور درس مصطفى حسنى وليس هذا ايضا بانتظام ولا اصلى الجمعة واكتفى بصلاة الظهر ولا اقرا القران غير يوم الجمعة مساءاً
وما البث الى ان اعود اليه مره اخرى بدون ارتباط وبدون اتفاق على زواج فقط حب يرتدى قناع الصداقة ويمتلى ء بكل اتجاهات الحب من غيرة وعراك واشياء فى بعض الوقت صادقة واوقات اخرى كاذبة .
ويأتينى اخر يريد الارتباط .. يريدنى كى احميه من طيشه ويرانى برئية ونقية وسيحقق لى امنية حياتى فى ان يعيش ابن قلبى معى فى بيت واحد ... واتعلق به ولكن لا احبه ..
واتخبط بين هذا وذاك ... بين من اريده حماية لى بحبى له ... ومن يريدنى حماية له بحبه لى .
اتخبط ولكن لم اعد احس انى قريبة من الله وانا اصلى ... هناك حاجز ما بييننا ... كنت احس انى احادثه ويسمعنى ويحن على ويجيبينى وانا فى بيته بالمسجد .. ساعود لاذهب . كل يوم صباحاً اقرر هذا ولكنى لا اذهب ولا اعرف لماذا ؟؟ اصلى بغرفتى .. وان اخلقت بعض الفروض .. لا يريحنى الا قربى منه ولكن شيطانى يضعفنى احيانا ويلهينى احيان اخرى ...
بدأت اهمل فى عملى الجديد
بدأت اهمل فى ترتيب غرفتى لارضاء امى
بدأ ت اهمل فى كل شىء
وفى النهاية .. انا تعبة .. اقارب على الانهيار .. لكنى اضحك باستمرار
posted by a7lam 3adya at 11:42 PM
15 Comments:
نانا حمد الله على سلامتك
بقالك كتير جدا مكتبتيش حاجة
عموما بالنسبة الى اللى انتى كاتباه
انتى مش لوحدك تعبانة
اهم حاجة انك متتعديش الخطوط اللى الاخلاقيات بتاعتنا بتفرضها علينا
احنا كلنا دخلنا الجامع كتير ورسبنا الدين برده فترة كبيرة يعنى تخبط جامد جدا عشنا فيه بس بنحاول نعمل حاجة صح بنكافح ان احنا نفضل على الخط الصحيح
انتى كمان حاولى تعملى كده مش لازم التشدد فى الدين
خير الامور الوسط
عايزة رايى كل الناس اصحابك بتوع زمان سيبك منهم ابدئى حياة جديدة حاولى تعملى لنفسك اصحاب جداد كويسيين اختاريهم كويس
لازم الواحد ييجى فى فترة فى حياته اما يلاقيها مليانة مشاكل يحاول يغير من رتم حياته كلها
وربنا يسهل ويريحك بالك
الف حمدالله علي سلاميتك انا اول مرة اكون هنا بجد المدونة جامدة اوي
محمد
انت لسه بتفتح مدونتى بجد؟؟
والله بحاول
والله يسلمك ومبروك على 50 جنية
ادعيلى باه .. انا بحب دعائك اوى :)
نداء
ميرسى والله يسلمك
ويا رب متكنش الاخيرة
يااااااااااااااااااه
هو انتى كنتى فين مش هتبطلى يا بنتى لعبة الاستغماية باه
فاكرة بوست الاستغماية اللى كانت فى المدونة القديمة؟؟
اكيد عرفتى انا ميييين
حالات إنسانية جدًا يا ... حلم ..جميــل ، مش عادي يعني ، تقلبات، وتغيرات ، ... أشعر أحيانًا أننا نقترب من بعض جدًا ، ربما لأننا نكتب، ربما لأننا نواجه الحياة بكتـابة !! حلوة على كـل حـال
**************
ربنا يقويكي ويعنيك
.تحياتي
إبراهيم ... معايا
انت عندك حق .. كل من يكتب مشاعره .. يقترب من الاخرين بسهولة .. احتمال لانه لا يتعامل معاهم بوجوه بلاستيكية ....
اشكرك على الزيارة ...
anonymous :::
انا عمرى ما هبطل لعبة الاستغماية .. لو انت اللى فى بالى فانت عارف انى مجرد طفلة تلهو على قضبان القطار .. وعلى حد تعبيرك زمان ( حافية ومنكوشة )
بوست الاستغماية موجود وبقراه مع نفسى كتير ...
شكرا على مروروك الكريم :)
عزيزتي أحلام عادية
ما حكيت عنه ليس حالة تدين و لكن كما وصفتها ، حالة تطرف ، من البادي أنك هربت لها من تجربة أو ذكرى ، و لأن التطرف ليس من طبيعتك فقد هربت من هذه الحالة بعد ان هربتي اليها، لانك جعلت من الدين مقابلا للحياة ، فأصبح خيارك الدين أو الحياة ، و هو خيار صعب ، أما حقيقة الدين فأنه أسلوب حياة و معين على الحياة
جميل أن تذهبي للمسجد كلما شعرت بالحاجة لذلك ، لكن جميل ايضا ان تصلي في بيتك ، و قد جعلت لنا الارض مسجدا، فموضع السجادة من غرفتك يصبح بيتا لله عندما تنوين الصلاة
لماذا تمحين كل النغمات من على هاتفك؟ الموسيقى غذاء روح لم يحرمه الله و لم ينه عنه نبيه الا ما افتروه على الرسول من كذب ، و حياة بغير موسيقى هي حياة شياطين
و لماذا تقاطعين الاصدقاء؟ طالما انهم ليسوا مثلا من مرتادي علب الليل و لا من الفاسدين فلا اثم في الصداقة ، و لا عيب في الخروج المختلط في اطار محترم و اماكن عامة في النور ، فأول جامعات العالم المختلطة كانت بالاندلس
الحاجز الذي تحسبينه بينك و بين الله نشأ من اعتقادك أنك أصبحت مخالفة لمنهج الله ، و هذا ما نجح دعاة الفضائيات في نشره ، اما تكوني عضوة في القبيلة او تكوني مطرودة من رحمة الله ، فسبحان من وسعت رحمته كل شيء ، و حسبنا الله و نعم الوكيل فيما يأفكون
أعجبني تعبيرك عن التخبط بين من تريدينه حماية لك و من يريدك حماية له، لكن أنصحك نصيحة مجرب الا تستمعي للمثل الخايب الذي يقول "خذي اللي يريدك و لا تاخذي من تريدين"
الله اقرب اليك من حبل الوريد ، فلا تأبهي لما زرعوه فيك من خوف ، فليوفقك الله
عزيزتي نرمين
لكم أسعدني اهتمامك للتعليق البسيط الذي كتبته هنا ، و قد بدأت ببوست جديد في تفصيل ما أجملته هنا ، فلعلك تشرفينا بالزيارة
تحياتي و تقديري
http://eharfoush.blogspot.com/2008/04/god-arts.html
نرمين مين ؟؟
ولا يهمك انا نيفين وهروح اشوف البوست
عزيزتى
اول ش انا سعيد لانى شوفت مدونتك
علشان حاسس بالصراحه والصدق مع النفس فيها
والل بتقوليه ده مش وحش ده شئ جميل فيك انك عاوزه تقربى من ربنا وبتحولى
وجواكى صراح مع النفس النفس الل دايمن نتصارع معها
بالصدفه كاتب موضوع فيها صراع برضوا ف مدونة
احساس لكل النساء
المهم مش هنصحك الا بشئ واحد
حاول تتصلحى مع نفسك مفيش حد هيعيش ملاك عل طول ولا شيطان على طول
واغلطى واستغفر ربنا هو بس اللى ممكن نقوله الل جوانا بدون حذف بدون خجل
وسيبى الايام تريحك يمكن تريحيك
والانهيار ضعف
وبلاش تكونى ضعيفه مع نفسك
حولى بقدر المستطاع
تحيات يا افندم
سلام
اقول نرمين ولا نيفين؟؟!!مش مشكلة..نقول احلام
حقيقى كل انسان بيلف اللفة دى بيتعب اوى...بين الشعور بالدفئ مع الله و البرودة الشديدة بعيدا عنه سبحانه و تعالى...بين الاستقامة و الاعوجاج فى الخروج و الفسح...بين الاغانى و الاناشيد...بين هذا الحب الذى يسلبنا ارادتنا و يجعلنا نعيش فى تلك الفوضى اللذيذة و لا نقدر الا على ان نرتدى الاقنعة لاخفائه و هذا التعلق بمن يريد الزواج و الاستقرار
عجبنى اوى ازاى قرنتى بين تلك الحالات و ازاى انسجموا سوا
وصفك لاحساسك فى الصلاة...بجد هايل..للاسف حسينا بيه كلنا
ارمى نفسك فى عطف ربنا...ابكى او تباكى...ادعى الله بما فى قلبك
مش شرط انك تلزمى المسجد و تقاطعى كل الناس...الاعتدال ميه ميه
فما من احد شاد الدين الا غلبه
و نحمد ربونا بقى انك تضحكى باستمرار
صيف سعيد لك وللجميع
شركة تنظيف شقق بالقطيف
شركة مكافحة حشرات بالقطيف
شركة المثالية للتنظيف
شركة المثالية لمكافحة الحشرات
شركة تنظيف منازل بالخبر
شركة تنظيف فلل بالخبر
شركة تنظيف شقق بالخبر
شركة عزل اسطح بالخبر
Post a Comment
<< Home