مجرد حلم عادى

Saturday, May 19, 2007

اغنية ومعدية


تسرق بيوت .. تسرق شطوط
تسرق غناوى اوقناوى او مطر

تمسك خيووط العنكبوت ... حوالين رقاب كل البشر

تسرق بيوت .. تسرق شطوط
تسرق غناوى اوقناوى او مطر

تمسك خيووط العنكبوت ... حوالين رقاب كل البشر

لكن عمرك ما تقدر تسرق وطن
------------------------------------------------
دى حتة من اغنية تسرق بيوت لفرقتى المفضلة وسط البلد ...... وانا بحب اهديها للريس ( بدون ذكر اسماء يعنى
)
posted by a7lam 3adya at 2:45 AM

50 Comments:

Tany ya Nana ????? Tany ..hya 3eniki 7'aft?

May 19, 2007 at 3:52 AM  

مين دا اللى قصدك عليه حسحس

دا طيب و عايش على قده خااالص

الاغنية جامدة اوى على فكرة

شرفتينى فى مدونتى و ان شاء اله هتلاقينى هنا كتير

May 19, 2007 at 10:38 AM  

نانا... ازيك عاملة ايه ؟معلش انا مقصر شوية بس ظروف

مش عارف اقولك ايه ؟ اقولك انا بحب الاغنية دة اد ايه ... ولا اقولك ان البوست دة والله العظيم صورة طبق الاصل من بوست كنت ناوى اكتبه لا كلمة زيادة ولا لفظ مختلف .. بجد والله

طمنينا عليكى دايما

May 19, 2007 at 2:43 PM  

طبعا انا اول مرة اسمع كلمات الاغنية ديه منك بس بجد كلمات حلوة جدا

فعلا مهما حد عمل عمرهم ما هيسرقوا مننا الوطن

المهم خالى بالك من نفسك

May 19, 2007 at 10:08 PM  

ياااااااااااااااه


بس تفتكرى دى حقيقة ؟

May 19, 2007 at 11:59 PM  

Anonymous

اه خفت

May 20, 2007 at 1:29 AM  

حسحس ... او هسهس

وشين لعملة واحدة بقالها 80 سنة لما بقت مصدية وريحتها فايحة

May 20, 2007 at 1:30 AM  

طارق

انا الحمد لله كويسة ..موضوع البوست .. اكيد توارد خواطر اصل الناس اللى بتحب وسط البلد .. دماغها بتشبة بعض
على فكرة فى حفلة فى ساقية الزمالك يوم 31 مايو الساعة 9

May 20, 2007 at 1:32 AM  

مصر هى امى

لاء صدقنى الوطن ابتدى يتسرق

والعمر منا بيتسرق

وحلم راح وحلم جاى وحلم لسنا محلمنهوش برضه بيتسرق

ابتسم .. انت فى بلد سارقى الاوطان

May 20, 2007 at 1:33 AM  

نيرفانا

نفسى تبقى حقيقة والموضوع راجع لمعنى الوطن اللى بتسرق

ما هى بيوتنا اللى عايشين فيها وطن وبتتسرق

ارضنا اللى بتتزرع بذور اسرائلية وطن وبرضه بتتسرق

يا ر يتها كانت حقيقة

May 20, 2007 at 1:35 AM  

اشكرك يا نانا على الاغنية سمعتها وجميلة اوى

كمان ردك على Anonymous جراء بس هو جى يسئلك عنيكى خفت هو مشفكيش الايام الفااتت وبقا من هواه المحيط السيبرى :D

May 20, 2007 at 2:32 AM  

تامر .... ههههههههه ضحكتنى
هو اكيد من هواة المحيط بس السيبرى ده مش متهيألى

May 20, 2007 at 3:44 AM  

This comment has been removed by the author.

May 20, 2007 at 5:59 AM  

نانا...الكلمات حقيقة رائعة...شوقتيني اسمع بقيت الكلام...الواحد لما بيشوف نماذج زي وسط البلد و بلاك تيما..والشربيني..بيحس ان لسة في امل قدام غزو هيفاء واليسا و عالم النفخ والشفط, صحيح جمهور الفن الراقي لسة قليل...لكن الغلبة اكيد للحاجة الحلوة والأصلية...وبكرة رجب حوش صاحبك عني تختفي زي ما اختفت ارخي الستارة الي في ريحنا لحسن جيرانك تجرحنا...بصرف النظر عن شهرة ونجاح صاحبتي الأغنيتين المؤقتة....لإن اكيد هيفاء وهبي اقل جمالا وتأثيرا من منيرة المهدية او فتحية احمد...و الإثنين اصبحوا في عالم النسيان....ميرسي ليكي يا نانا انك عرفتيني بأغنية حلوة كده..تحياتي

May 20, 2007 at 10:58 AM  

هو انتي كنتي مسافره ولا ايه مين ده اللي لسه هايعرف اذا كان ينفع يسرقها ولا لأ اللي اتسرق خلاص اتسرق وبقت بظرميط خالص
الغنيه حلوه بس كان المفروض نغنيها من سنين كتير فاتت يمكن لو كنا ابتدينا بدري شويه كنا لحقنا حاجه
اقولك حاجه كويسه احنا نبتدي واحده جديده والمره دي ناخد بالنا من الأول عشان متتسرقش تاني
سلااااااااااااااااااااااام

May 21, 2007 at 1:21 AM  

جميلة اوى الاغنية بجد

جامدة بجد اوى

بس البلد مش بلدنا اصلا

May 21, 2007 at 3:59 AM  

الكلمات حلوة جداً بس أقول إيه..
مفيش فايدة
مفيش دم أصلاً..أنا أعرف ده بياكل إيه

May 21, 2007 at 5:50 AM  

في الجوون يا نانا والله سواء الأغنية التحفففففة أو الأهداء

May 21, 2007 at 8:43 PM  

بيبو بصراحة انا مش واخدة بالى .. يعنى ايه ايها الحب انت سبب بلائى ولوعتى وشحوبى وتنفيض جيوبى .. مش فاهمة؟

May 22, 2007 at 12:03 AM  

ٍسكوت هنصوت.. ازيك يا جميلة زز عندك حق وبجد امنية حياتى ان الناس كلها تسمع وتفهم وسط البلد والبلاك تيما بيقولوا ايه ... بجد هتفرق كتير بدل الواوا واللى بيطبط ويدلع

May 22, 2007 at 12:04 AM  

الشنكوتى الكبير

عندك حق .. انت عارف انا سمعت جملى فى فيلم ليلة سقوط بغداد بتقول ( انتوا اديتوا الراية وهى واقعة ازاى عايزينها نرفعها ونغرسها على اعلى حتة .. ليه سبتوها تقع ) جملة اتقالت للجيل اللى قبلنا
احنا كبرنا وهى بتتسرق .. ازاى احنا هناخد حقها؟

May 22, 2007 at 12:06 AM  

الغزالى ... لاء هى بلادنا وترابنا وريحة اهلنا ونيلنا وبيتنا بس المشكلة ان بلادنا وترابنا وبيتنا مالوش حرمة عندهم :(

May 22, 2007 at 12:06 AM  

hurricane_x

بياكل فى لحمنا .. وبيمص دمنا
بيسرق ويدمر ويدوس على حلمنا
بس احنا برضه هنفضل فى بلدنا .. هنفضل هنا

May 22, 2007 at 12:08 AM  

تسنيم ...

طيب احا جبنا جول تفتكرى هيجى يوم وكلنا نقعد على دكة الاحتياطى

والا تفتكرى هنحترف برة والا هنعتزل اللعب والحياة والا ايه بس اللى هيحصل؟

May 22, 2007 at 12:10 AM  

آآآآآآآآه يابيروت
آه يابشر و اه يا بيروت .. حظك عدا وخطى وفلق الحجر

May 22, 2007 at 12:58 AM  

This comment has been removed by the author.

May 22, 2007 at 5:44 AM  

ايه دا الجمال دا ما شاء الله لا شاطرة

May 22, 2007 at 6:30 AM  

تنسج خيوط مش تمسك
ههههه

منتصر حجازي لو هنا كان اكلك

و يا بوووووي يابا يابا

احيكي على ذوقك في المازيكا

وسط البلد رولز

May 22, 2007 at 9:55 AM  

wonderful blog! I like your writings a lot.

May 23, 2007 at 7:11 AM  

يوما

بيروت ... اه واه واه

بغداد .... اهات غير محتملة

مصر ....... حتى الاه مبقتش ليها طعم

May 27, 2007 at 12:57 AM  

الكنبة الحمرا

نورت المحكمة

May 27, 2007 at 12:58 AM  

سجدة ... ما هو ده اللى احنا فالحين فيه
ننداس ونغنى

May 27, 2007 at 12:58 AM  

يسارى مصرى

هههههه معلش اصل سمعى تقيل ...وبعدين تمسك تنسج اهو كله خنقه

May 27, 2007 at 12:59 AM  

Fantasia

thnx 4 being supportive :)

May 27, 2007 at 1:00 AM  

كلة بيتسرق

و كلة بيطلع في الغسيل

تحياتي

May 28, 2007 at 5:21 AM  

ياخسارة العمر اما يعدى ولسه الحلم
مجرد
حلم

May 28, 2007 at 11:51 AM  

ولا بذكر اسماء هى هتفرق يعنى

ما اللى على راسة بطحة يا جدعااااااااان

May 29, 2007 at 12:38 AM  

الحصان الاسود

كله بيتسرق صح

احلامنا وفلوسنا وبلدنا واهو دلوتى هيصدور بناتنا الى السعودية فهم كمان بيسرقوا اعراضنا

بس مش كل حاجة بتتطلع فى الغسيل ..دا فى حالة لو لقوا حاجة اساسا يغسلوها

May 29, 2007 at 1:13 AM  

ماجد

الخوف لا العمر يعدى والحلم يتقلب كابوس

May 29, 2007 at 1:14 AM  

مصطفى محمود

على راسه بطحه يا خويا وفى قلبه جلطة ومخرف ومهيس وبرضه لسه الريس

May 29, 2007 at 1:15 AM  

رجاء بس انا مش بعلق كتير اه

بس انان متابع كل المدونات

فيا ريت تشوفى حل التمبليت بتاعك بيعملى زغللة قوى مش بعرف اقرى الكلام كويس

:(

May 29, 2007 at 4:40 AM  

This comment has been removed by the author.

May 29, 2007 at 6:53 AM  

الحقيقه انا مسمعتش حاجه قبل كده لفرقه وسط البلد
بس اكيد هبتدى اسمعلهم بسببك

و يارب نقدر نحافظ على الوطن قبل ما يتسرق مع البيوت

لان بجد انا ابتديت احس ان الوطن بيتسرق و احنا مش حاسيين او رافضين نحس

تحياتى
حارس للوطن

May 30, 2007 at 8:01 AM  

الأغنيه جميله
وعلى ما أعتقد أنى سمعت الفرقه قبل كده وأذكر أن أدائهم مميز
حد عنده تسجيل صوتى للأغنيه؟
عموما البلد مسروقه فعلا
أنا أخترت أسيبها وأمشى لحد ما صحابها يصحوا بقى ويطالبوا بيها
على فكره الحركه الروشه دى فى التمبليت عملاها أزاى؟

May 30, 2007 at 10:50 PM  

جيمى

هاشوف حل ان شاء الله ولو معرفتش هابعتلك قطرة :)

June 2, 2007 at 1:41 AM  

whyme
لاء بجد لازم تحضرلهم حفلة وبعدسها هتقع فى غرامهم

عارف لما يكون صوت حد بيخليك تخرج برة جسمك وتبقى مجرد روح عايشة فى حالة مزاجية رائعة هو كده

اسمعهم على ضمانتى

June 2, 2007 at 1:44 AM  

Alexandrian far away

يا سلام وانت لما تسيبها هيبطلوا يسرقوا لو مصر كلها عملت زيك مش هتبقى معمورة هتبقى خرابة

التمبليت هى كده وبصراحة الزميل واحد من الناس هو اللى عاملاهالى

June 2, 2007 at 1:46 AM  

نتشرف بدعوة سيادتكم والأسرة الكريمة لحضور إفتتاح المدونة الصاعدة بإذن الله .. كلماتى .. والعاقبة عندكم فى المسرات ..
حضروكم يسرنا ..
ودخانكم يضرنا ..

June 2, 2007 at 7:52 AM  

الأغنية دي رهيبة وسمعتها من فترة
أحاسيس الموسيقى برضه فيها جميلة
خصوصا في الأول والرتم الهادي التصاعدي في القوة بعد كده
تحس إن أولها غربي وبعد كده يقلب موسيقى شرقية خالصة

الحتة دي بقى ما أعرفهش عندك وهي بعد اللي كتبتيه فيه حتة تانية بيقولوا فيها :

فين الحقيقة .. فين الأمل
فين الوجود المحتمل !!
حيران من سكوتي .. تعبان من شرودي


تحياتي

June 2, 2007 at 7:39 PM  

اكيد الريس متقال... وهو في غيره

February 7, 2008 at 11:27 AM  

Post a Comment

<< Home